Ushtria izraelite ka njoftuar se ka vrarë kreun e qeverisë së Hamasit në Gaza, Rawhi Mushtaha, së bashku me dy zyrtarë të lartë të sigurisë, Sameh al-Siraj dhe Sami Oudeh, gjatë sulmeve të zhvilluara tre muaj më parë.
Izraeli pretendon se Hamasi nuk ka njoftuar për vdekjen e tyre për të shmangur ndikimin negativ në moralin e militantëve. Sulmet ajrore goditën një kompleks nëntokësor që shërbente si qendër komandimi, ku militantët janë raportuar të jenë “fshirë nga faqja e dheut”.
Mushtaha, sipas ushtrisë izraelite, ishte një nga operativët më të lartë të Hamasit dhe kishte ndikim të drejtpërdrejtë në vendimet lidhur me vendndodhjen e luftëtarëve.
