Këshilltari për çështjet ekonomike në Partinë Demokratike Dorjan Teliti me anë të një postimi në rrjetet sociale thekson që ngrihu protesto për të mos vuajtur nesër.
Teliti shprehet se pas 11 vitesh keqqeverisje bizneset po falimentojnë nga taksat e larta, çmimet e larta me ritme dyshifrërore dhe varfëria që po shtrihet në tryezat familjare.
“Pas 11 vitesh ku Kushtetuta dhe ligji nuk zbatohen më, në Shqipëri është instaluar fatkeqësisht “kulti i Maliqit”. Pas 11 vitesh braktisje, tallje, përcmime, ofendime, dhunë policore, etj, Shqipëria ngjan më shumë me një vend të botës së tretë sesa një vend anëtar i NATO-s dhe që aspiron të integrohet në BE”, shkruan Teliti.
Ai nënvizon që nëse nuk reagojmë, situata mund të përkeqësohet dhe diktatura ka për të hedhur hapin e saj të radhës.
