Sekretari i Përgjithshëm i Partisë Demokratike, Flamur Noka, komentoi protestën e paralajmëruar për nesër, duke theksuar se ndjenja e revoltës në popull është rritur ndjeshëm. Ai nënvizoi se qytetarët janë të pakënaqur me qeverisjen aktuale, veçanërisht pensionistët, të cilët ndihen të fyer nga rritjet minimale të pensioneve.
Noka e quajti vendimin për dënimin e Ervin Salianjit si një pikë kthese që ka mbushur kupën e pakënaqësisë.
“Fryma e revoltës është shumë e madhe. kemi patur kontakte të vazhdueshme me qytetarët, revolta është shumë e madhe. pakënaqësia ndaj narkoregjimit është duke vluar. Informacionet që vijnë në seli tregojnë se është e vështirë që të takosh një qytetar të lirë që është i kënaqur nga kjo qeveri. Pensionistët ndihen të fyer. Pensionistit i është rritur me një paketë cigare. Pensioni i tyre është fyerje dhe tallje me pagën e qeveritarëve”, tha Noka.
Ai akuzoi qeverinë për shkatërrimin e shëndetësisë dhe shtypjen e bizneseve, duke e cilësuar situatën si një luftë të SPAK ndaj opozitës.
“Shëndetësia është e rrënuar. Profesione e lira janë të gjithë gati të ngrihen në këmbë sepse ka tentuar t’i zhdukë e asgjësojë me taksat. Bizneset po i shtyp. Në Shqipëri ka 2 kategori biznesesh, qeveritare dhe ata që mezi mbijetojnë.
Drejtësia e re, a ka ndodhur më parë të shkojë 16. Vjet shqyrtimi i çështjeve? SPAK lufton dhe ka synim të asgjësojë opozitën. Çfarë nuk e arriti dot Rama të nxjerrë jashtë ligji Rama, me logon, e ka synim SKAP. E gjithë opozita nën sulmin e SPAK. Me Salianjin “u derdh gota””, u shpreh ai.
