Mbrëmjen e së dielës një shqiptar është ekzekutuar me armë zjarri në Pisa të Italisë. Mediat italiane raportojnë se bëhet fjalë për 37 vjeçarin Beni Arshiaj, i cili u qëllua në sy të të birit në oborrin e shtëpisë së tij.
Sipas informacioneve paraprake shqiptari sapo ishte kthyer në shtëpi me furgonin e tij pas orës 21:00. Dy burra e kanë qëlluar në kokë dhe më pas janë larguar.
Ende nuk dihet arsyeja e qëllimit.
Disa fqinjë thanë se panë dy persona duke u larguar me një motoçikletë pas të shtënave, por nuk është e qartë nëse ata janë të lidhur me krimin. 37 vjeçari që mbeti i vrarë ishte i martuar me dy fëmijë.
