Me afrimin e protestës së opozitës, që do të nisë në orën 18:00, Policia e Shtetit ka intensifikuar masat e sigurisë në Tiranë.
Përveç blindimit të godinës së Ministrisë së Brendshme, është vendosur gjithashtu një automjet i blinduar për hedhjen e ujit me presion, që zakonisht përdoret për të parandaluar akte dhune nga protestuesit. Efektivë të rendit po pozicionohen sipas një plani masash të miratuar më parë.
Bashkia e Tiranës gjithashtu është nën mbrojtje, me barrierat metalike të vendosura si masë paraprake. Policia është e angazhuar të ruajë rendin dhe sigurinë në të gjitha institucionet qeveritare gjatë kësaj periudhe tensioni.
