Kreu i Partisë Demokratike Sali Berisha në fjalën e tij për mediat u shpreh se mosbindja civile nuk do të kufizohet vetëm në Tiranë.
Berisha u shpreh se kjo mosbindje do të jetë edhe në qytete të tjera.
“Së shpejti në mosbindje do kesh Shkodrën, Vlorën, mbarë Shqipërinë sepse nuk ke lënë qytet pa masakruar me vjedhjet. Vreri që ke derdhur mbi shqiptarët do plaset mbi ty. Zoti do bekojë guximtarët, që drodhën narko-shtetin.”, tha ai.
Më pas ai u shpreh se dhe në mediat ndërkombëtare po flitet për reyistencën e opozitës në Shqipëri.
“Mediat ndërkombëtare i bënë jehohë rezistencës së opozitës në Shqipëri, sepse ne kemi shumë miq kudo në botë. Nuk ka gjë më të mirë se një popull që reagon për votën e lirë. Mediat ndërkombëtare kishin vetëm admirim për protestuesit. Do kemi përballje me narko-shtetin, do kemi qeverinë teknike, që të kemi votën e lirë.”, tha Berisha.
