Grupi i shkëputur nga Sali Berisha dhe Lulzim Basha kanë prezantuar sot partinë e re. Djathtas. Ky do të jetë subjekti politik i ri që del nga e djathta e copëtuar disa herë në vitet e fundit.
Pjesë e tij do të jenë disa figura nga deputeti Enkelejd Alibeaj, Edvin Kulluri, por edhe emra të tjerë. Kulluri u shpreh se në zgjedhjet e 2025 do të përfaqësojnë të djathtët që janë kundër Berishës dhe Bashës.
“Ka ardhur koha për diçka të vërtetë, të djathtë. Shumica e të djathtëve luftojnë lidershipin e dy krahëve dhe kërkojnë të vërtetat e mëdha dhe në 2025 nuk mund të shkohet në zgjedhje pa zgjidhje.
Ne nuk po mund të kapërcejmë tranzicionin 33 vjeçar. Lirinë dhe përfaqësimin ka kryefjalë partia jonë” tha ai.
