Një aksident i rëndë ka ndodhur mbrëmjen e sotme në aksin rrugor Levan – Pishporo, në zonën e quajtur Qarr, ku drejtuesi i një automjeti ka përplasur 36 kokë dhen. Sipas raportimeve, bagëtitë ishin duke kaluar rrugën kur ndodhi ngjarja tragjike.
Pamjet nga vendngjarja tregojnë rrugën të mbuluar nga gjaku dhe bagëtitë të ngordhura në anë. Shpejtësia e lartë e mjetit dyshohet të ketë qenë shkaku kryesor i aksidentit. Policia dhe grupi hetimor janë në vendin e ngjarjes për të zbardhur të plotë rrethanat e aksidentit.
