Policia e Fierit ka arrestuar një 41-vjeçare, A. Xh., banore e Patosit, pasi dyshohet se ushtronte prostitucion në zona të ndryshme të qytetit.
Gjatë operacionit, janë proceduar gjithashtu tre burra, të cilët dyshohet se kanë përfituar nga kjo veprimtari kriminale.
A. Xh. u arrestua pasi u dokumentua se ushtronte prostitucion në ambiente të ndryshme të Fierit. Përveç saj, janë nisur procedime penale për E. Sh. 41 vjeç, T. Ç. 39 vjeç dhe M. B. 34 vjeç, për veprën penale “Prostitucioni”.
Si prova materiale, janë sekuestruar dy celularë. Materialet iu referuan Prokurorisë së Fierit për veprime të mëtejshme.
