Detaje të reja kanë dalë në dritë lidhur me ngjarjen e rëndë në Fier, ku 47-vjeçari Ilir Nukaj goditi një çift të moshuarish përpara dyqanit të tyre ushqimor.
Sipas informacioneve, Nukaj ishte paraqitur në dyqan për të blerë alkool, por 80-vjeçari Namik Rustemi nuk pranoi t’ia shiste, pasi e njihte si person problematik. Kjo situatë rezultoi në një sulm fizik, ku Nukaj goditi Rustemin dhe bashkëshorten e tij, 77-vjeçaren me iniciale A.R., me grushte në kokë.
Për pasojë, Namik Rustemi ndodhet i shtruar dhe i intubuar në spitalin rajonal Fier në gjendje të rëndë, ndërsa A.R. mori mjekim dhe u kthye në shtëpi.
Policia ka arrestuar Ilir Nukaj, i cili kishte precedentë penalë për krime ndaj personit. Ngjarja do të referohet në Prokurorinë e Fierit për akuzën e “Plagosjes së rëndë me dashje.”
EMRI/ Dhunoi fizikisht çiftin e të moshuarve, arrestohet 47-vjeçari në Fier
