Qendra në Gjadër për pritjen e emigrantëve nga vendet afrikane dhe të lindjes është gati. Italia pritet që shumë shpejt të nisë anijet e para. Debati mbi kushtet dhe sigurinë vazhdon.
Por ministri i Brendshëm i Italisë, Matteo Piantedosi ka deklaruar se këtë javë do të mbërrijnë emigrantët e parë në kampin e Gjadrit. Piantedosi garantoi se qendrat në Shqipëri do të jenë të ngjashme për nga standardet me ato të hapura në Itali.
“Ne presim të fillojmë javën e ardhshme. Ne realisht presim që njerëzit e parë të dërgohen në qendrat në Shqipëri javën e ardhshme. Nuk do të ketë prerje shiriti. Qendrat janë të ngjashme me ato në Itali, nuk ka tela me gjemba, ka kujdes shëndetësor”, tha ministri italian.
