Anija e parë me emigrantë në Shqipëri që pritet të strehohen në Shëngjin e në Gjadër është nisur. Analisti Fatos Lubonja ka komentuar në lidhje me këtë ngjarje dhe shprehet se procesi i mbërritjes së emigrantëve në Shqipëri do të ketë vështirësi.
“Plani i parë i vështirësive do jetë logjistik dhe financiar. Është shpenzim i madh, që nuk justifikon shpenzimet, do shpenzohen më tepër sesa të hapej kampi në Itali. Shqipëria dhe Italia gjithashtu do kenë pasoja në imazh, për këtë “burg”, që e krahasojnë me Guantanamon, në raport me të drejtat e njeriut. Shqipëria po luan rol parandalues, duke e bërë vendin tonë gogol, që emigrantët mos kenë dëshirë të vijnë këtu. Mediat e huaja zbuluan këtu “narko-shtetin”.”, tha Lubonja.
Ai më tej shprehet se Rama ka thënë që Italia dhe Shqipëria kanë shkuar gjithmonë mirë, por kjo pasi Italia ka parë interesat e veta në Shqipëri.
