Drejtori i Përgjithshëm i Policisë së Shtetit Ilir Proda u takua me ekspertët e dërguar nga qeveria britanike, të cilët janë angazhuar në zbatimin e projektit të iniciuar në vitin 2023.
Proda i falenderoi ekspertët për kontributin e tyre deri më sot, të pasqyruar edhe në ligjin e ri për Policinë e Shtetit.
Ai i garantoi ata për vendosmërinë e tij për të vijuar bashkëpunimin me qëllim për ta përfunduar procesin e modernizimit të Policisë së Shtetit.
Për Policinë e Shtetit në kuadër të Projektit të Reformës Policore të financuar nga Mbretëria e Bashkuar u dhanë 30 rekomandime të cilat synojnë përmirësimin e aspekteve organizative dhe financiare të Policisë së Shtetit, si dhe policimin në komunitet dhe marrëdhënien me median dhe qytetarët.