Presidentja e Kosovës, Vjosa Osmani, ka uruar Shqipërinë për hapjen e kapitullit të parë të negociatave për anëtarësim në Bashkimin Evropian.
Ajo e cilësoi këtë ngjarje si një moment historik dhe theksoi rëndësinë e vazhdimit të avancimit të Shqipërisë, Kosovës dhe vendeve tjera demokratike në rajon drejt BE-së.
“Urime Shqipërisë për arritjen e një momenti historik të madh në rrugëtimin e saj drejt anëtarësimit në BE! Hapja e kapitujve të anëtarësimit në BE e sjell Shqipërinë një hap më pranë një të ardhmeje më të ndritshme dhe më të begatë për të gjithë qytetarët e saj”, ka shkruar Osmani.
