Alehandro Pashuku, i arrestuar, dhe Kristjan Pashuku, i shpallur në kërkim, akuzohen se mbajtën me forcë një të mitur afgan për ta shfrytëzuar për punë.
Sidoqoftë, vëllai i tyre, Lazër Pashuku, dhe babai, Aleksandër Pashuku, insistojnë se e miturin e kanë trajtuar si anëtar të familjes, duke i ofruar ushqim, ilaçe dhe strehim në shtëpinë e tyre.
Pronarët e servisit ku punoi afgani thonë se 16-vjeçari kishte liri të plotë dhe lëvizte si të donte. Ata e gjetën rastësisht në një lokal dhe vendosën ta ndihmojnë, pasi ishte i uritur dhe i pastrehë. Pashuku thekson se afgani pretendonte se ishte 19 vjeç dhe se komunikonte lirshëm me familjen e tij.
Familja Pashuku kërkon drejtësi, duke mohuar akuzat për trafikim dhe duke theksuar se vepruan me mirësi dhe ndihmë.
