Policia e Elbasanit gjatë orëve të fundit ka arrestuar disa persona për vepra të ndryshme penale. Një 28-vjeçar me iniciale S.H., banues në Cërrik u arrestua pasi ditën e djeshme në gjendje të dehur është përplasur me 27-vjeçarin V.M., si pasojë të dy janë lënduar dhe ndodhen jashtë rrezikut për jetën.
Ndërsa u arrestua 35-vjeçari me iniciale A.Z., banues në fshatin Pishaj për motive të dobëta ka kanosur dhe goditur me shuplakë xhaxhain e tij.
Gjithashtu italiani D.V., 44 vjeç u arrestua pasi në mobilierinë që administronte, gjatë punës i është dëmtuar punonjësi i tij 40-vjeçari A.H.
32-vjeçari Xh.J., banues në Elbasan u arrestua pasi ka goditur me send të forta një 45-vjeçar dhe gjithashtu një 51-vjeçare banuese në Elbasan u arrestua pasi u kap duke kryer ndërtime pa leje në lokalin e saj.
Ndërsa E. K., 34 vjeç, me profesion mësues, e ka kanosur shtetasin I. K., sepse pretendon se ky i fundit i ka dëmtuar imazhin si mësues.
Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.