Seanca parlamentare e sotme ka përfunduar, ndërsa jashtë Kuvendit tensionet mes protestuesve të opozitës janë rritur kjo pasi protestuesit e opozitës pas protestave para Bashkisë së Tiranës, kanë zhvendosur aktivitetin e tyre te oborri i Kuvendit.
Deputetët e opozitës, të përballur me përjashtime dhe ngjarje të dhunshme brenda sallës, kanë shprehur pakënaqësitë e tyre dhe janë bashkuar me protestuesit që kërkojnë llogaridhënie për situatën politike në vend.
Atmosfera është e tensionuar, me protestuesit që bëjnë thirrje për reforma dhe llogaridhënie nga liderët e qeverisë. Ndërkohë, policia është e pranishme për të siguruar rendin dhe për të parandaluar ndonjë përshkallëzim të situatës.