Tensione në Parlament. Kreu i grupit të Partisë Demokratike, Gazment Bardhi ka publikuar një video nga godina, ku pritet dhe seanca e radhës plenare.
Gazment Bardhi tregon se Kuvendi është rrethuar me gardistë, duke e cilësuar këtë gjë si një akt që turpëron Shqipërinë dhe çdo shqiptar. Edhe deputeti Tritan Shehu reagoi ashpër.
“Kjo është realisht të shkatërrosh parlamentarizmin, kam që në 1991 deputet dhe kjo është turpi i demokracisë. Opozita ka vetëm një rrugë, kjo nuk është rruga e opozitës por e të gjithë Shqipërisë, mosbindje civile. Vetëm lëvizja popullore bën efekt” tha ai.
