Sekretari i Përgjithshëm i Partisë Demokratike Flamur Noka ka komentuar situatën që ndodhi sot në Kuvend.
Noka shprehet se sot ishte vazhda e mosbindjes civile dhe ajo që pamë ishte e paprecedentë.
“Deputetë të opozitës janë 50, ndërkohë që ishin mbi 200 gardistë, hekura e barrikada, a thua se do shkonim me tanke. Gjithë kjo situatë ishte për të ndaluar 50 deputetët e opozitës të kryejnë misionin kushtetutës. Me ligjin e Gardës nuk ka të drejtë asnjë gardist të prekë deputetin. Ndodh në një parlament që dera të mbushet me gardistë dhe mos lejohen deputetët. Gardistët ndërhyjnë vetëm me urdhër të kryetares së Kuvendit. Spiropali tha unë nuk kam dhënë urdhër.”, u shpreh Noka.
Ai tha se deputetet femra janë dhunuar nga garda dhe kemi kërkuar kamerat e brendshme, tufa gardistësh vraponin pas grave, duke i dhunuar nëpër korridore.
