Partia Demokratike kundër votimit elektronik në zgjedhjet e 2025. Sekretari për cështjet ligjore dhe zgjedhore në PD, Ivi Kaso deklaron se koha është e pamjaftueshme për implementimin e votimit elektronik në zgjedhjet e 2025.
“Në kushtet kur ende nuk është bërë një transparencë e plotë lidhur me problematikat që cilat kanë karakterizuar këtë proces në dy zgjedhjet pararendëse, në mungesë të mekanizmave efikase të adresimit të problematikave të konstatuara, si dhe në presionin e një kohe të pamjaftueshme për një implementim efikas të kësaj teknologjie në zgjedhjet e ardhshme, shprehim mosdakordësinë tonë lidhur me propozimin tuaj për implementimin e votimit elektronik në zgjedhjet për Kuvendin të vitit 2025” thotë PD. PS në krahun tjetër përveç Durrësit dhe Elbasanit kërkoi që votimi elektronik të shtrihej edhe në Tiranë.
