Kryetari i PD-Demokratët Euroatlantikë Lulzim Basha gjatë vizitës në Londër ka zhvilluar takime edhe me zyrtarë të Ministrisë së Jashtme të Mbretërisë së Bashkuar. Basha shprehet se gjatë takimit kanë diskutuar për situatën në Shqipëri, lidhjet e politikës me krimin dhe korrupsionin.
Dosja e SPAK, që çoi në arrestimin e deputetit të Edi Ramës, Jurgis Çyrbja, është një kambanë alarmi që tregon qartë se si krimi i ka dhënë pushtet Edi Ramës dhe se qeveria e tij është vënë në shërbim të krimit. Theksova mbështetjen tonë për SPAK-un, si dhe pritshmëritë për të çuar para drejtësisë të gjithë ata që kanë abuzuar me paratë e shqiptarëve dhe që kanë blerë zgjedhjet duke i shërbyer krimit.”, shprehet Basha.
Ai thotë që ka theksuar edhe nevojën e avancimit të anëtarësimit të Kosovës në NATO edhe përballë ndikimeve të Rusisë, e cila kërkon destabilizimin e rajonit.
