Kryetari i Partisë “Mundësia”, Agron Shehaj, ka paraqitur një dosje në Kryeministri që përmban emrat e pushtetarëve, duke përfshirë edhe kryeministrin Edi Rama, të cilët, sipas tij, kanë abuzuar me pushtetin. Ai deklaroi “Kjo është dosja në bazë të së cilës është arrestuar Ilir Meta.”
Shehaj theksoi se dosja përmban informacione të rëndësishme, duke thënë “Janë marrë vendime ligjore që kanë favorizuar oligarkët në vend të qytetarëve shqiptarë.” Ai akuzoi qeverinë se ligjet janë miratuar për të mbrojtur interesat e pushtetarëve “Në këto dhoma, janë marrë vendime sesi të bëheshin ligjet jo në favor të qytetarëve, por në favor të oligarkëve.”
Deputeti kërkoi gjithashtu një fund të pandëshkueshmërisë, duke theksuar “Qytetarët shqiptarë duan fundin e pandëshkueshmërisë dhe kjo ka për të ndodhur vetëm nëse Edi Rama del para drejtësisë.”
