Një 27-vjeçar shqiptar është arrestuar në Milano pasi u kap me 15 kilogramë kokainë në makinë. Policia rrugore e Bolonjës e ndaloi atë gjatë kontrollit në autostradat A1 dhe A14, pasi targa e mjetit Fiat Tipo tregonte se kishte një sërë gjobash të papaguara që kalonin 25,000 euro.
Gjatë kontrollit, të riut i ishte vënë re nervozizmi, duke ngritur dyshime te policia. Pas shoqërimit në zyrat e qarkullimit rrugor për një kontroll më të thelluar, në bagazhin e makinës u gjetën 14 blloqe kokainë, të fshehura pas disa pjesëve të çmontuara të mjetit. Droga, e cila u sekuestrua, mund të kishte sjellë deri në 1.2 milionë euro fitime nëse do të hidhej në treg.