Kreu i Partisë Demokratike Sali Berisha në fjalën e tij në tubim komentoi pritjen me protesta të Edi Ramës në New York.
Berisha tha se Rama bën sikur i dhimbsen pensionistët, por në anën tjetër shkoi në ndeshje sportive në SHBA, ku bileta kushton mbi 20 mijë dollarë.
“Para takimit, ata që qanin hallet për pensionet, ai që ka gozhdë që kur erdhi në pushtet çështjen e pensioneve të pensionistëve, shkoi me mace e me minj, me të madh e me të vogël në ndeshje ku bileta ku kushton siç thotë 10 gjer në 20 mijë dollarë. Kurse salla kushton 250-300 dollarë për person. Ja pra pensionet dhe gozhda e hajdutit të pashpirt.”, u shpreh Berisha.
Ai theksoi se “Shqiptarët në këmbë është kushtrimi që vjen nga Nju Jorku”.
