Në vijim të veprimeve hetimore lidhur me ngjarjen e ndodhur në lagjen “Xhami” në Peqin ku 26-vjeçari me iniciale A. T, gjatë një konflikti për motive të dobëta, plagosi me armë zjarri në këmbë, 41-vjeçarin me iniciale Sh. C., strukturat për Hetimin e Krimeve të DVP Elbasan arrestuan në flagrancë shtetasin:
– S. Ll., 50 vjeç, banues në Peqin, për veprat penale “Moskallëzimi i Krimit” dhe “Veprime që pengojnë zbulimin e së vërtetës”, pasi 50-vjeçari nuk kallëzuar për krimin dhe ka hequr dhe fshehur DVR-në e kamerave të subjektit të tij, i cili ndodhej afër vendngjarjes.
Vijojnë hetimet e thelluara për zbardhjen e plotë të kësaj ngjarjeje dhe kapjen e autorit të dyshuar, të shpallur në kërkim për veprat penale “Vrasja me paramendim”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”.
Materialet procedurale i kaluan Prokurorisë për veprime të mëtejshme.
