Deputetja e Partisë së Lirisë, Monika Kryemadhi në detyrim paraqitje për dosjen në ngarkim të ish-presidentit Ilir Meta, pretendon se për të goditur atë është përdorur një ligj i shfuqizuar 4 vite më parë. Kryemadhi e quan politik procesin ndaj saj.
“Drejtësia e re me ligjet e vjetra. Të nderuar qytetarë, aq me nxitim dhe aq me urdhër e ka pasur kjo drejtësi e re goditjen time politike, sa që kanë përdorur një ligj të shfuqizuar jo pak por plot 4 vite më parë.
Të jenë analfabetë funksionalë apo ushtarë funksionalë?! Këtë le ta gjykojnë shqiptarët. Shikoni, vlerësoni dhe gjykoni vetë faktet me poshtë, por mos harroni që secilin nga anëtarët e kësaj drejtësie e paguajmë 5-6 mijë euro/muaj ne të gjithë së bashku. Kjo është drejtësia që duam?
