Opozita vazhdon mosbindjen civile prej orës 17:00. Gjashtë akse kryesore nga veriu në jug janë bllokuar. Deputeti Xhelal Mziu nga Kthesa e Kamzës tha se nuk prisnin të arrinin me dy aktet e mosbindjes civile qeverinë teknike.
“As në datë 7 dhe as sot nuk kishim pritshmërinë për të marrë qeverinë teknike, por janë për të sensibilizuar qeverinë që e ka kthyer Shqipërinë në një diktaturë.
Sensibilizim të faktorit ndërkombëtar që pati efekt pozitiv. Do të vazhdojë aksioni. Qëllimi në vete nuk është qeveria teknike, por qytetarët të shkojnë të lirë në zgjedhje dhe këtë e garanton qeveria teknike” tha ai.
