Kryeministri i Kosovës, Albin Kurti, ka pritur emisarin e Gjermanisë për Ballkanin Perëndimor, Manuel Sarrazin, për të biseduar mbi bashkëpunimin rajonal dhe zbatimin e marrëveshjeve në kuadër të Procesit të Berlinit.
Kurti theksoi rëndësinë e fokusimit në implementimin e marrëveshjeve të nënshkruara, duke kërkuar gjithashtu që Bosnjë-Hercegovina të ratifikojë marrëveshjen për lëvizjen e lirë me letërnjoftim, për të mundësuar udhëtimin pa viza për qytetarët e Kosovës.
Ai diskutoi gjithashtu për rritjen e efikasitetit në procedurat kufitare dhe mobilizimin e institucioneve për të përmirësuar përvojën e kalimit në pikën kufitare të Merdarëve.
