Policia ka arrestuar një ish-punonjës të IMT Elbasan, Andri Mehja në Kapshticë, për akuzat e korrupsionit pasiv dhe shpërdorimit të detyrës. Arrestimi është realizuar pas një urdhri të SPAK, të lëshuar më 29 maj 2024.
39-vjeçari dyshohet se, në prill 2024, nuk ka marrë masa për të prishur një objekt të ndërtuar pa leje, pasi kishte pranuar ryshfet për këtë veprim.
Gjatë operacioneve, policia gjithashtu arrestoi S. K., 56 vjeç, për shkeljen e masës së sigurisë “Arrest në shtëpi” për moskallëzimin e krimit. Hetimet për këto raste vazhdojnë.
