Një shqiptar, Irakli Rustemi, 33 vjeç, është dënuar me 11 vjet burg në Angli pasi u gjetën 13 kilogramë kokainë me vlerë 700 mijë paund dhe një pistoletë në banesën e tij. Ai u arrestua pas ndalimit të automjetit të tij në Buntingford, ku policia kishte informacione për armë zjarri.
Gjatë kontrollit në banesën e Rustemit, u zbuluan gjithashtu pajisje të tjera të lidhura me tregtimin e drogës, duke përfshirë mbështjellës plastik dhe thikë. Ai u akuzua për posedim të armëve dhe narkotikëve dhe u shpall fajtor në janar të këtij viti.
