Avokati Genci Gjokutaj dorëzoi sot vendimin e Presidentit të Partisë së Lirisë, Ilir Meta për të apeluar masën arrest me burg që mori shkalla e parë dy javë më parë duke e arrestuar për tre vepra penale që është duke hetuar SPAK-u.
“Ilir Meta ka qenë në dispozicion të hetimit. Dhe nga pikëpamja e dyshimit të arsyeshëm, mund të them pa frikë që është një vendim thashethem. Janë kërkuar letër porositë, treçereku ka ardhur me përgjigje me negative.
Është një vendim që bazohet në hamendësime, ndërhyrje me hamendesim i rrethanave të caktuara. Të tre procedimet, ju do e shikoni në të ardhmen, situata është krejt tjetër”, deklaroi Gjokutaj.
