Në një analizë të thelluar të zgjedhjeve të 2024, disa faktorë kanë ndikuar në humbjen e Kamala Harris përballë Donald Trump. Sipas Newsweek, disa arsye kyçe që shpjegojnë dështimin e Harris janë:
Tërheqja e vonuar e Biden: Vendimi i vonuar i Presidentit Joe Biden për të hequr dorë nga gara dhe mbështetur Harris mund të ketë kufizuar mundësitë për një fushatë më të fuqishme dhe për një proces më demokratik në përzgjedhjen e kandidatëve.
Asnjë garë paraprake për zëvendësimin e Biden: Pa një garë të hapur, Harris fitoi nominimin e demokratëve pa një konkurs të brendshëm, duke shkaktuar kritika për mungesë transparence.
Zgjedhja e kandidatit për zv. President: Zgjedhja e Tim Walz si kandidat për zv.president mund të ketë dëmtuar mundësinë për të fituar shtetet kyçe si Michigan dhe Wisconsin, ku Harris humbi përballë Trump.
Zemërimi i votuesve arabo-amerikanë: Qëndrimi i Harris dhe Biden për mbështetje të vazhdueshme ndaj Izraelit në luftën e Gaza, shkaktoi humbje të mbështetjes nga votuesit arabo-amerikanë, duke ndikuar negativisht në shtetet kyçe si Michigan.
Humbja e votuesve latinë: Harris nuk arriti të aktivizonte siç duhej votuesit latinë, të cilët kaluan në krah të Trump, pas premtimit të tij për një politikë të ashpër ndaj emigrantëve të paligjshëm.
Strategjia dixhitale e dobët: Ndryshe nga Trump, Harris pati një fushatë të dobët në mediat sociale. Fushata e Trump, e përforcuar nga Elon Musk dhe platforma X, arriti të dominonte ndërsa fushata e Harris kishte kufizime në këtë fushë.
Faktorët e mësipërm janë shkaktarë të humbjes së Harris, e cila nuk mundi të përballonte sfidat dhe presionet e zgjedhjeve të vitit 2024.
