Kryeministri Edi Rama ka shpërthyer në batuta gjatë fjalës së tij të përbashkët me homologun hungarez Viktor Orban në kuadër të takimit të Komunitetit Politik Evropian në Budapest.
Rama komentoi vështirësinë e gjuhës hungareze, duke thënë se “hungarishtja është gjuha e parajsës, të duhet një përjetësi për ta mësuar.” Ai shtoi me humor se përveç se është gjuha e parajsës, është gjithashtu “edhe purgator” pasi është e vështirë të kuptohet nëse meriton ferrin apo parajsën kur e flet.
Kryeministri shqiptar mbylli komentin duke thënë se do të preferonte të fliste anglisht, në vend që të mbështetej te përkthyesi, për të shmangur mundësinë që ai të fajësohej për përkthimin.
