Nënkryetari i Partisë Demokratike Oerd Bylykbashi, i ftuar në emisionin Kjo Javë në News 24, deklaroi se shumica dërmuese e listës së Partisë Socialiste në Durrës është në pranga.
“Lista e Durrësit nuk ka Cyrbjan vetëm. Janë tre deputetë të listës së PS-së në Durrës të cilët nuk janë në parlament për arsye penale. Edi Ramës sot po i çmontohet me kod procedure penale lista e Durrësit, por në fakt ai e paska hartuar jo me kriteret e kodit zgjedhor, por me kriteret e kodit penal. Ka marrë dhe ka parë kush janë ata që më garantojnë dhe për fat të keq në dëm të konceptit të asaj që shumë veta e trumbetojnë të listës së hapur, ne kemi më të votuarit te lista e PS këta lloj personazhesh. Pra, shumica dërrmuese e votës së PS-së në Durrës sot është praktikisht në pranga”, tha Bylykbashi.
Ai u shpreh se buxheti i shtetit kontrollohet nga bandat dhe jo vetëm nga lista e deputetëve.
