Ekstradohet nga Spanja, Leonard Luzi i cili akuzohet nga GjKKO-ja se organizoi vrasjen e 2 personave në Vlorë (krim i parandaluar si rezultat i ndërhyrjes së Policisë).
Leonard Luzi u arrestua në Spanjë, gjatë operacionit të koduar “Rekrutuesi”.
47-vjeçari akuzohet se në bashkëpunim me pjesëtarë të tjerë të grupit kriminal kishte organizuar vrasjen e Ervis Matodashajt dhe Inzez Hajrulles.
Ky krim u parandalua nga Policia, pasi Amarildo Nikolli u arrestua para se të kryente vrasjet.
Amarildo Nikollit në momentin e arrestimit, iu sekuestrua pistoleta me fishek në fole, e gatshme për qitje.
