Biznesmeni brazilian i kriptomonedhave Antonio Vinicius Gritzbach u ekzekutua në aeroportin ndërkombëtar të Sao Paulos në Guaruljo. Një person hapi zjarr ndaj biznesmenit pasi ky i fundit doli nga makina e tij jashtë terminalit të 2-të të aeroportit.
Policia Braziliane jep informacion se Antonio kishte marrë kërcënime për jetën nga grupi kriminal i njohur si PCC. Biznesmeni brazilian ishte akuzuar për pastrim parash të grupit kriminal PCC dhe më pas kishte hyrë në marrëveshje me prokurorët për të dhënë informacione ndaj PCC.
PCC ditët e sotme është vlerësuar si banda më e rrezikshme kriminale në Brazil pasi kontrollojnë tregjet e drogës, rrugët e kontrabandës, lagjet e varfra dhe burgjet në rang vend.
