Barcelona ka regjistruar humbjen e dytë në La Liga, duke u mundur 1-0 në transfertë nga Real Sociedad. Katalanasit e patën të vështirë të kompensonin mungesën e talentit të ri, Lamine Yamal, i cili nuk luajti për shkak të një dëmtimi.
Goli i vetëm i ndeshjes erdhi në minutën e 33-të, kur Becker shfrytëzoi një gabim të mbrojtjes së Barcelonës për të dërguar topin në rrjetë.
Barcelona kishte mundësinë të barazonte më herët, por një gol i Lewandowskit u anullua për pozicion jashtë loje.
Kjo humbje e ngushton distancën me liderin Real Madrid në 6 pikë, ndërkohë që “Los Blancos” kanë një ndeshje të prapambetur me Valencian.
