Policia e Shtetit ka shpallur rezultatet e garës për drejtorët e qarqeve, ku më i vlerësuari është Vilson Bala, drejtori i Operacionales, me 91 pikë, i cili pritet të emërohet në drejtimin e Policisë së Tiranës. Në vend të dytë është Elidon Çela, ish-drejtori i AMP-së së Tiranës, me 87.3 pikë, dhe në të tretin Elton Alushi, zv.drejtori i Policisë së Vlorës, me 85.3 pikë.
Në listën e 38 kandidatëve, bie në sy mungesa e gruas, pasi asnjë femër nuk është renditur mes kandidatëve kryesorë. Gjithashtu, disa emra të njohur të Policisë, si Tonin Vocaj, Altin Qato, dhe Skënder Hitaj, janë jashtë 12 vendeve të para. Ndërkohë, drejtues të tjerë aktualë të qarqeve, që nuk kanë arritur të kalojnë 50 pikët, janë larguar nga gara.
Ndër 12 të parët, emrat që pritet të emërohen në drejtimin e qarqeve janë ata me karrierë të gjatë në strukturat e Policisë, duke përfshirë Fatmir Lleshaj, Fatmir Hoxhën dhe Luigj Vathin.
