Kryeministri i Kosovës, Albin Kurti, ka deklaruar se qeveria e Kosovës është e gatshme të bashkëpunojë me çdo administratë të Shteteve të Bashkuara të Amerikës, pavarësisht se cili kandidat ka fituar. Pas fitores së Donald Trump në zgjedhjet presidenciale, Kurti theksoi se Kosova është e interesuar të vazhdojë bashkëpunimin me SHBA-në, jo vetëm në aspektin diplomatik, por edhe në fusha të tjera.
Kurti komentoi edhe bisedën mes Trump dhe presidentit të Serbisë, Aleksandër Vuçiq, duke thënë se nuk është në dijeni se kush ka raportet më të mira me kënd. Ai shtoi se bashkëpunimi me Shtetet e Bashkuara është i pazëvendësueshëm për Kosovën dhe se do të vazhdojë, pavarësisht zhvillimeve politike.
