Ish-deputeti i PD-së Ervin Salianji kallëzim nga burgu në SPAK. Ai shprehet se Elisa Spiropali që është kryetare e Kuvendit e ka mbyllur në sirtar dosjen e sistemit TIMS me të dhënat që dolën nga komisioni hetimor duke shkelur ligjin.
“Të gjenden arsyet, qëllimi dhe përgjegjësia për këtë akt të rende, të pengimit të drejtësisë dhe mbrojtjes së krimit, që të çon vetëm në një drejtim! Autori është Edi Rama.
Ky skandal, ku doganierja e parlamentin nuk e dergon në SPAK hetimin parlamentar pavarësisht se ligji e parashikon dhe kryetari i komisionit e ka depozituar prej muajsh, duhet hetuar!
Ato hetime parlamentare janë punë e kontribut disa mujor me kolegë dhe ekspertë dhe është një sherbim i vyer ndaj interesit publik, lidhur me nderhyrjet kriminale në sistemin TIMS.
Ato konkluzione janë serioze dhe profesionale dhe ndihmojnë në zbardhjen e të vertetës dhe të përgjegjësive. Nuk janë rekuizita personale e një kryeparlamentareje kukull. E ka për detyrë të bëjë atë që thotë rregullorja” tha ai.
