Fred Fleitz, ish-shef i shtabit të Këshillit të Sigurisë Kombëtare gjatë presidencës së Donald Trump, ka akuzuar Presidentin Joe Biden se po “saboton” përpjekjet e Trump për të ndaluar luftën mes Ukrainës dhe Rusisë. Fleitz u shpreh se vendimi i Biden për të lejuar përdorimin e raketave me rreze të gjatë veprimi nga Ukraina, një hap që mund të përshkallëzojë konfliktin, është në kundërshtim me qëllimin e Trump për një armëpushim të shpejtë dhe bisedime paqeje.
Sipas Fleitz, Biden ka autorizuar këtë veprim për të përkeqësuar tensionet dhe për të inkurajuar një përfshirje më të madhe të NATO-s në luftë. Ai shtoi se Trump ka shprehur dëshirën për një paqe të negociuar, por ai beson se Biden nuk është i interesuar në këtë qasje. Fleitz gjithashtu theksoi se Trump mund të kërkojë një ndalje të menjëhershme të luftimeve, mundësisht para se të marrë detyrën në janar të vitit 2025.
