Vendimi i presidentit të SHBA Joe Biden për të lejuar Ukrainën të godasë brenda Rusisë me raketa me rreze të gjatë veprimi të furnizuar nga SHBA ka shkaktuar një përgjigje të ashpër nga Kremlini.
“Presidenti në largim i SHBA-së Joe Biden ka marrë një nga vendimet më provokuese të pallogaritura të administratës së tij që rrezikon pasoja katastrofike” shkruhet në gazetën zyrtare të qeverisë ruse “Rossiyskaya Gazeta”.
Megjithatë presidenti Putin nuk ka reaguar ditën e djeshme në konferencë.
Rusia ia ka bërë të qartë në muajt e fundit Perëndimit që të mos heqin kufizimet në përdorimin e armëve me rreze të gjatë. Nëse Kievi godet thellë në territorin rus me raketa, kundërpërgjigja do të jetë shumë e dëmshme si për Ukrainën ashtu dhe për Perëndimin.
