Pavarësisht shiut, Tirana është mbushur me entuziazëm dhe energji festive për ndeshjen Shqipëri – Ukrainë që nis në orën 20:45.
Tifozët e Kombëtares, të veshur kuqezi, janë grumbulluar nëpër rrugë, duke ndezur flakadanë dhe kënduar këngë patriotike në mbështetje të ekipit.
Atmosfera është e ndezur dhe kryeqyteti ka marrë ngjyrat e festës, me një numër të lartë tifozësh që pritet të mbushin stadiumin “Air Albania”, që kap kapacitetin prej 21 mijë vetash.
