Ditën e djeshme 14-vjeçari Martin Cani u godit me thikë pas një sherri mes adoloshentësh në afërsi të shkollës Fan Noli në Tiranë. Si pasojë ai humbi jetën dhe shoku i tij ka mbetur i plagosur dhe ndodhet në spital.
Shkolla Fan Noli ka reaguar në rrjetin social në facebook dhe shkruan se u tronditën nga kjo ngjarje.
“Nesër shkolla fillon ndryshe, pa Martinin! Sot u tronditëm të gjithë! Mësues, shokë e shoqe, çdo prind e çdo familje. Dhimbje e papërshkrueshme! 9 vite shkollë me të dhe që nesër në bankë s’do ta shohim më! Qofsh i parajsës, engjëll”, shkruan shkolla ‘Fan Noli’.
