Një 23-vjeçar është arrestuar në Shkodër pas dy vjedhjeve me thyerje që ka kryer në lagjen “Vasil Shanto”. I riu ka vjedhur një shumë parash, pije alkoolike dhe një kamerë sigurie nga një qebaptore, si dhe një tjetër shumë parash nga një lokal në të njëjtën zonë.
Gjatë kontrollit fizik, policia ka gjetur gjithashtu një sasi të vogël lënde narkotike cannabis sativa, e cila është sekuestruar.
23-vjeçari ka precedentë kriminalë për vjedhje dhe shitje narkotikësh. Materialet janë dërguar në Prokurorinë e Shkallës së Parë të Shkodrës për veprime të mëtejshme.
