Zbardhen detaje të reja nga plagosja me thikë ditën e sotme në zonën e ‘Qytetit Studentit’ në Tiranë. I plagosuri me thikë është 19- vjeçari Agron Demiraj, i cili ndodhet tek Spitali i Traumës. Ai është qëlluar tre herë me thikë në brinjë, në qafë dhe në shpatull nga Ajdin Ajvazi 20 vjeç.
“Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20 vjeç, i cili si pasojë është dëmtuar dhe ndodhet në spital, në kujdesin e mjekëve” njofton policia. Po punohet për sqarimin e rrethanave të ngjarjes.
