Babai i të miturit të plagosur në vrasjen e Martin Canit në Dibrë ka deklaruar në media se ngjarja ka pasur dy autorë, duke dyshuar për një të mitur tjetër që mund të kishte pasur një thikë.
Megjithatë, policia ka përgënjeshtruar këtë dëshmi, duke sqaruar se kamerat e sigurisë tregojnë se i mituri, shoku i autorit të dyshuar, ka marrë një grusht dhe është larguar nga vendi i krimit.
I mituri është dorëzuar në polici nga babai i tij dhe ka treguar se ai ishte përpjekur të ndante palët gjatë sherrit, pa qenë i pranishëm në momentin e vrasjes. Hetimet vijojnë.