Ministrja e Ekonomisë, Artane Rizvanolli ka vizituar kanalin e Ibër-Lepencit në Zubin Potok, pas sulmit që ndodhi mbrëmjen e djeshme.
Ajo ka deklaruar se rrjedha e ujit në kanalin e dëmtuar ka arritur kapacitetin prej 3,000 litra në sekondë, duke siguruar furnizimin e nevojshëm për ftohjen e termocentraleve të Korporatës Energjetike të Kosovës.
“Rrjedha aktuale është e mjaftueshme për furnizimin e poçeve të KEK-ut për ftohje, ndërsa shpresojmë që së shpejti të fillojë edhe furnizimi i disa prej komunave me ujë,” deklaroi ministrja.
Gjithashtu ajo vizitoi edhe autobotët e vendosur nga institucionet, si Mitrovicën e Veriut dhe Jugut, Zveçanin, Drenasin, Skenderajn dhe Fushë Kosovën, për furnizimin me ujë të qytetarëve në zonat e prekura.
“Kompanitë Rajonale të Ujësjellësit, Agjencia për Menaxhimin e Emergjencave dhe KEK kanë bashkëpunuar për të siguruar ujë të pijshëm për qytetarët derisa të zgjidhet përfundimisht problemi,” tha ajo.
