Një plagosje me thikë ndodhi mbrëmjen e 1 dhjetorit në qytetin e Vlorës, ku një 41-vjeçar, Xh.K., u godit me thikë nga 51-vjeçari A.R., i cili ka precedent penal.
Ngjarja ndodhi në lagjen “15 Tetori” dhe dyshohet se shkaku i plagosjes mund të ketë qenë një mosmarrëveshje e mëparshme. Pas plagosjes, autori është larguar nga vendi i ngjarjes, ndërkohë që viktima është transportuar në spital, ku ndodhet nën kujdesin e mjekëve në gjendje të rëndë.
Policia ka nisur hetimet dhe po punon për kapjen e autorit.
