Të premten në mbrëmje ka shpërthyer kanali i ujit Ibër-Lpenc në Zhubin Potok. Policia e Kosovës ditën e djeshme ka arrestuar tetë persona të cilët akuzohen për sulmin terrorist në kanalin Ibër-Lepenc. Gjithashtu janë sekuestruar mbi 200 uniforma ushtarake, gjashtë raketahedhës dore, 3 granata dore, dy armë automatike AK47, një revole, municion të kalibrave të ndryshëm, helmeta ushtarake, maska, thika.
Kryeministri i Kosovës Albin Kurti me anë të një postimi në rrjetin social në facebook ka thënë se po punohet që t’u sigurohet furnizimi me energji elektrike dhe ujë të pijshëm për qytetarët e vendit.
Kurti ka shpërndarë një video të ministres së ekonomisë, Artane Rizvanolli, e cila ka thënë se shpreson se së shpejti do të fillojë furnizimi me ujë së paku në disa prej komunave.
